載入中...請稍候...
載入中...請稍候...
發布的 7th Sep 2021 @ 5:32 PM
日本蠔季完之際，就係荷蘭蠔季開始之時。鍾意食大件頭生蠔嘅你，就一齊嚟擁抱荷蘭蠔季啦！
老細最鍾意入啲市面少有、夠特別嘅生蠔俾大家，今次就新引入咗荷蘭嘅Grevelingen（赫雷弗靈恩）生蠔~
識蠔之人，對法國、愛爾蘭、澳洲、日本、英國生蠔都唔會陌生，但係對荷蘭生蠔就唔一定咁熟悉，而其實荷蘭澤蘭省（Zeeland），係喺歐洲非常出名嘅優質海鮮出產地。
澤蘭省又稱為「舊西蘭」，擁有三角洲地形，由多個大大小小島嶼組成，屬溫帶海洋性氣候，海水清澈而有大量嘅海藻同浮游生物，加上位於海水同淡水交界處，集地勢、氣候、水質三者之利，造就咗非常有利於生蠔嘅生長嘅環境，早喺1906年當地已經開展咗生蠔養殖業。
新入貨嘅荷蘭Grevelingen生蠔，養殖於澤西省當地兩個高級生蠔產區：東海爾德（Eastern Scheldt）同埋赫雷弗靈恩湖（Grevelingen Lake），水清藻夠嘅環境，就產出呢款巨無霸嘅滿殼生蠔，經專人挑選出殼型圓大、蠔杯深嘅一批，入箱出口空運到港。
由於近住蠔倉嘅關係，小編已經率先再開咗隻嚟食（試食果水唔當食過，咁先可以上架前再開嚟食㗎嘛 ），一打開就見到爆哂肉滿哂海水，蠔肉唔單止係滿殼，仲係厚身，唔信可以睇返上一個post，老細徒手開生蠔嘅片，直撃開蠔一刻。 一開蠔，嗱嗱臨（再）試食，呢款蠔肉質意外地打破咗大隻就係Creamy嘅定理，雖然真係珍寶過珍寶級，但係肉質並唔特別柔滑而係滑溜，蠔肚位仲有少少爽脆感，至於帶子位，有成個5蚊銀咁大，都幾有咬口。
講返味道，相比起近似嘅美國珍寶蠔，佢海水味同礦物味都較輕身，但多咗幾分奶香同甘甜，所以雖然好大隻，但小編食完都未有膩滯感，大家唔洗擔心食蠔食到好似鋸扒咁，呢款蠔食左都仲可以鋸多塊扒。
呢款賣幾錢？暫時只有原箱出售，一箱7KG 25-31隻，推廣價$1350/箱，平均$45/隻。
https://call4fresh.net/product/DJk1rRmr3wfFF0qi
之後或偶有散賣，有興趣搵小編LM： wa.me/85266766684
