【生蠔也移民？】戰後奇蹟留後嘅熊本蠔！

發布的 11th Jan 2022 @ 5:17 PM

日本蠔季已完，不過大家嘅鄉愁梗係未完，小編仍然不時收到「有冇日本蠔？」嘅查詢，又，有蠔友問「熊本蠔（Kumamoto）唔係日本蠔？」其實，現今嘅日本，係真係冇出產熊本蠔㗎啦。

計品種，熊本蠔可歸類為日本真蠔，但現時市面上品種純正，即係冇經過雜交，同原本嘅熊本蠔DNA 100%一致嘅熊本蠔，都係由美國出產，亦有部分品種唔算純正嘅熊本蠔，係由墨西哥出產。

點解會咁？首先其實好多生蠔都會喺唔同海域先後養殖，去達到特定嘅風味。但熊本蠔就唔係話日本出世，美國淨化處理出口，而係講返當年1945年，喺第二次世界大戰時，呢款原產於日本九洲嘅蠔本身會絕種，好在俾人發現，就「移民」咗去美國。

但當年熊本蠔移植美國之後，都曾經因為生蠔養殖技術未夠先進，一度再次面臨絕種，不過可能老天都認為呢款美味嘅生蠔係「種不該絕」，喺1976 年美國西岸大型蠔場，就竟然找到17 隻沒有品種純正嘅熊本蠔。

於是，蠔場就由呢17隻純種熊本蠔開始，年復一年繼續出產呢種個子小小，但海水味清新，口感滑溜，非常清甜嘅熊本蠔。熊本蠔素來深受外國人歡迎，喺香港就唔算係好常見。佢雖然係細細粒，但都經過咗最少3年養殖而成，一口一啖，連餘韻都有豐富甜味，不知不覺就會食咗成打！

雖然一直都冇特別介紹，但呢款都小編自己好鍾意嘅蠔款，唔係淨係情傾大件頭嘅蠔友都可以一試~美國蠔星期一、四、六返貨，如無意外每個星期都有新貨返，先留先享受！

產品類別